Hehehe...

wala na naman sense at organization ang post sa baba. Sabi ko pa naman magblo-blog ako para mahasa ang aking paraan ng pagsusulat...

Ang "saya-saya" ng hapon ko. Ewan ko ba. Nagblog-hopping ako habang nakikinig ng mga pampakalmang kanta(norah jones, mishka adams, billie holiday) at isama mo na rin ang ska na pampapaindak naman.

Sa aking pakikinig at pagbabasa, nalungkot ako at naging down na naman pero magandang down na ewan. Nanliit na naman ako sa kakayanan kong sumulat ng "panitikan" at gumawa ng "musika." Pero nalinis naman ang utak ko, nawala lahat ng laman at problema. Masaya. Ang laki ng epekto ng pakikinig sa jazz, blues, ska at country sa akin. Bakit kaya ang laki ng epekto ng mga uri ng musikang eto sa akin? Kahit wala akong kaalam-alam tungkol sa mga jazz issues, tulad ng kaibahan ni Coltrane sa ibang sax players at ano ang kaibahan ng mga notang ginagamit sa blues at sa classical, napapahalagahan ko pa rin ang mga ito. Ang galing.

Naalala ko noong bata-bata pa ako eh para sa akin pare-parehas lang ang mga kanta at musika sa radyo at hindi ko maintindihan kung bakit bumibili ng album lalo na ang issue ng piracy. Ngayon? Naayos ko na ang pandinig ko, naiintindihan ko na ang kagandahan ng isang kanta o komposisyon.

So? Ngayon? Ano? Wala lang. Natuwa lang ako sa pakikinig at hindi ko pa rin nabibili ang album ni Mishka Adams, walang pera kasi. Hay... Case study... nalulungkot na naman ako... ang daming repressed memories... =p

...I just have to hear those sweet words spoken like a melody...

PS. Ang kantang Humanap Ka ng Pangit (kung gusto mong lumigaya ang iyong buhay...) ay sinaling kanta ng The Skatalites. Ang kanta ay may pamagat na If You Wanna Be Happy for the Rest of Your Life(...find an ugly woman and make her you wife...). Pilipino talaga...